JOU HART. JOU TAAL. JOU KANS

KOER is die
wêreld se eerste
Afrikaanse liefdestoep.

Meer

Wat is KOER?

KOER is die eerste Afrikaanse toepassing (toep) wat jou die geleentheid gun om uit ‘n groter poel potensiële pasmaats te kies en te keur. KOER is ‘n platform waar jy in beheer is - ‘n veilige plek om nuwe hartsvriende en hartediewe, penmaats en pasmaats, kennisse en kamerade te ontmoet. ‘n Toep waar jy op jóú terme en in jóú hartstaal kan gesels.

KOER - jou hart, jou taal, jou kans!

Hoe werk dit?

Sluit maklik aan

Per e-pos, Facebook of Apple ID.

Skep ‘n profiel

Volg ‘n paar eenvoudige stappe om jou profiel te skep. Beskryf jou persoonlikheid en vertel ons ’n bietjie meer oor jouself en laai jou beste fotos op vanaf jou foon.

Kies jou belangstellings

Gun ons die geleentheid om jou perfekte pasmaats te identifiseer.

Ontdek die ‘Koerwoud’

Kies en keur uit ‘n verskeidenheid potensiële maats se profiele. Foto’s en beskrywings vertel meer oor moontlike pasmaats op die toepassing.

Wees in beheer

Die aksies is eenvoudig. KOER jou gunstelinge en KOES vir die res. KOES gerus om na die volgende profiel aan te beweeg. Let daarop dat alle KOES-aksies ANONIEM sal bly.

Wat is ‘n KOER?

Stuur ‘n kort briefie elke keer as jy KOER druk om die persoon se belangstelling te prikkel. Die briefie lê in jou “Koer-keuse” se Posbus. Wag-en-kyk of hulle belangstel en dalk terug wil KOER...

Kry die KOER toep nou!

Sleep vlerk in 2020! Laai die KOER toep gratis af en wie weet, dalk ontdek jy vandag jóú dam se ganse en kanse!

Help

Indien jy vashaak of wonder oor hoe Koer werk help ons graag. As jou vraag nie hier gelys is nie kontak ons gerus by info@koer.co.za

Die vrae hieronder is opgedeel in VYF AFDELINGS.

ALGEMEEN - vrae wat nie betrekking het tot n spesifieke deel van die toep nie.
MY PROFIEL - waar jy jou verstellings doen.
KOERLISENSIE - vrae met betrekking tot lidmaatskap en betalings.
DIE KOERWOUD - waar jy deur al die profiele blaai.
POSBUS - waar jou briefies gaan lê wanneer iemand jou geKOER het.
KLETSKAMER - waar jou gesprekke gebeur.

ALGEMEEN

Ek kry nie my OTP (one time password) in my e-pos inbus nie, wat nou?

Om by KOER aan te sluit moet ons jou e-posadres verifieer met 'n One Time Password (OTP).
1. Soms land die KOER e-pos met die OTP in jou "Junk/Trash/Bin/Spam Folder". Gaan loer eerste daar.
2. Maak dubbel-seker dat die e-posadres wat jy verskaf het 100% reg is (spelling & nommers nagegaan).

My KOERLISENSIE werk nie, wat nou?

Gaan kyk onder jou foon se toepwinkel of verstellings of jy na die mees onlangse weergawe van KOER opgegradeer is. Indien nie, doen die opgradering. Indien jy steeds nie regkom nie, kontak ons gerus by info@koer.co.za.

Waarom ontvang ek geen briefies nie?

Jy ontvang briefies wanneer iemand jou KOER of indien jy 'n KOER gestuur het en die persoon TERUG GEKOER het. Ons kan ongelukkig niemand dwing om iemand anders te KOER nie, maar ons kan jou help om jou kanse op KOERE te verbeter.
1. Maak seker dat ander jou gesig op jou hoof-foto kan sien.
2. Voeg dalk nog foto's by sodat mense jou persoonlikheid kan sien straal.
3. Probeer om jou persoonlike beskrywing (biografie) interessant te maak.
4. Kyk verder af op die blad onder: Hoe verander ek my profiel op KOER? vir stappe.

Waarom kan ek nie met my KOER-keuses klets nie?

Kletse in die KLETSKAMER met ander kan eers oopsluit sodra die persoon aan wie die KOER gestuur is, TERUG GEKOER het. Dit is vir veiligheid en so vermy ons ongemak vir almal.

Waarom sien ek niemand in my KOERWOUD nie?

Dalk is die instellings wat jy gekies het te spesifiek. Kyk verder af op die blad onder PROFIEL hoe om jou Afstand & Voorkeure te verander. Sprei jou vlerke! Daar is daagliks meer mense op KOER en so groei ons die KOERWOUD almal saam.

Ek het per ongeluk iemand geKOES, kan ek na hul profiel terugkeer?

Ongelukkig nie, KOER en KOES is finaal en anoniem. Die goeie nuus is, ons algoritme sal oor 'n paar weke stelselmatig weer van jou geKOESde profiele vir jou herwin. Almal verdien tog 'n tweede kans!

MY PROFIEL

Wat beteken die knoppies onder MY PROFIEL?

Links (die rat) vat jou na jou instellings (hier kan jy jou verstellings gaan doen)
Middel (kamera) vat jou na jou foto's waar jy kan op en aflaai na hartelus.
Regs (pennetjie) is 'n kortpad na jou biografie & waar jy jou profiel verander.

Ek sukkel om foto's te laai. Wat nou?

Om foto's te kan laai moet jy eerstens vir KOER toegang tot jou selfoon se foto's gee.

Volg hierdie stappe vir Android:
1. Gaan na die "settings" app.
2. Kies: "Apps & Notifications"
3. Klik op die KOER app onder die keuses
4. Druk "permissions"
5. Kies watter "permissions" (toelatings) jy vir KOER gee. (foto's)

Volg hierdie stappe vir iPhone:
1. Gaan na "Settings"
2. Beweeg af tot jy by die KOER app kom
3. Klik op KOER
4. Onder "allow KOER to access" kies watter toelatings jy gee. (foto's)

Waarom en hoe gee ek KOER toegang tot my ligging?

Om te bepaal hoe ver van jou af mense (in afstand) na wie jy soek kan/moet wees om jou soektog te verfyn moet jy vir KOER toegang gee tot jou ligging.

Volg hierdie stappe vir Android:
1. Gaan na die "settings" app.
2. Kies: "Apps & Notifications"
3. Klik op die KOER app onder die keuses
4. Druk "permissions"
5. Kies watter "permissions" (toelatings) jy vir KOER gee. (ligging)

Volg hierdie stappe vir iPhone:
1. Gaan na "Settings"
2. Beweeg af tot jy by die KOER app kom
3. Klik op KOER
4. Onder "allow KOER to access" kies watter toelatings jy gee. (ligging)

Hoe verstel ek my AFSTAND en wat gebeur dan?

Jy kan jou Koerwoud verbreed deur na die instellings opsie te gaan en jou afstand te stel. (maw hoe ver en wyd die radius is waarin jy mense wil sien). Indien jy jou afstand verstel na 1000km + maak jy jou Koerwoud wêreldwyd oop.

Hoe versteek ek tydelik my profiel?

As jy die WYS MY OP KOER opsie afskakel is jou profiel tydelik versteek van die Koerwoud. Sodra jy hom weer aansit verskyn jou profiel weer in die Koerwoud.

Hoe deel ek KOER met vriende en familie?

Daar is 'n DEEL KOER opsie onder jou profiel. Druk hierop en volg jou foon se stappe. Jy kan KOER op verskeie maniere deel. So sal 'n vooropgestelde boodskap na jou vriende gaan en hulle nooi om by KOER aan te sluit.

Ek wil graag weer die wenke sien? Hoe nou?

Hier kan jy besluit of jy die WENKE wil sien om jou KOER-ondervinding te vergemaklik. Jy kan die wenke aan- of afsit. Jy kan ook op WYS WENKE NOU klik om weer deur die wenke te gaan as jy bang is dat jy iets gemis het.

Hoe verwyder ek my profiel van KOER?

As jy die instellings bladsy oopmaak is die heel laaste opsie VERWYDER PROFIEL. Let asseblief dat indien jy 'n KOERLISENSIE het, jou subskripsie nie sal stop as jy jou profiel verwyder nie. Jy kan enige tyd 'n nuwe profiel maak en jou KOERLISENSIE voordele geniet. Indien jy jou KOERLISENSIE wil kanselleer sien die Hoe kanselleer ek my KOERLISENSIE instruksies.

Hoe verander ek my profiel op KOER?

Druk op die profiel opsie (pennetjie) en gaan na die heel laaste opsie VERANDER PROFIEL. Dit sal jou weer deur die opsies neem en kan jy verander soos jou hart begeer.

Hoe verander ek my beskrywing?

Druk op die profiel opsie (pennetjie) en gaan na die blokkie waar jou beskrywing is. Hierdie is 'n kortpad om jou beskrywing vinng en maklik aan te pas.

Hoe sien ek my profiel soos ander dit sien?

As jy op die MY PROFIEL blad op jou hoof-foto klik vat hy jou na jou eie profiel (soos ander dit sien).

KOERLISENSIE (LIDMAATSKAP)

Wat is 'n KOERLISENSIE en wat beteken dit vir my?

'n KOERLISENSIE is jou lidmaatskap. Indien jy aansluit vir slegs R69 per maand (of een van die goedkoper 3/6-maand pakkette) kan jy onbeperk KOER.
- Jy kry onbeperkte aksies in die Koerwoud.
- Jy kan onbeperk briefies oopmaak in die Posbus.
- Jy beheer advertensies en onderbrekings.
- Jy kan sien wie anders KOERLISENSIE houers is, sodoende weet jy wie ernstig Koer.

Ek sien nie lede in die KOERWOUD nie. Moet ek nou 'n lisensie uitneem?

Die KOERWOUD wys vir jou lede wat voldoen aan jou vereistes (afstand, ouderdom ens). Jy het nie 'n subskripsie nodig om lede te sien nie. Die subskripsie sal jou slegs toelaat om met meer as 20 lede op 'n dag te Koer/Koes. As ons nie daagliks 20 lede het wat aan jou vereistes voldoen nie sal 'n lisensie nie verskil maak nie.

Hoe kry ek 'n KOERLISENSIE?

Wanneer jy jou gratis aksies vir die dag opgebruik het sal jy die opsie sien om 'n KOERLISENSIE uit te neem. Jy kan ook druk op die 'Kry jou Koerlisensie' skakel op jou profiel blad.
Daar is verskillende pakkette wat wissel in periodes en prys. 'n Koerlisensie is 'n subskripsie en sal hernu totdat jy dit kanselleer. Betalings word hanteer deur Google (Android) en Apple (iPhone) deur middel van 'In-app purchases'. KOER het geen toegang tot jou betaal metodes, kaart, of bankbesonderhede nie. Daar is geen vaste termyne nie en jy kan enige tyd jou subskripsie stop.

Ek het nie 'n kredietkaart nie. Hoe nou?

Alle betalings word hanteer deur Apple of Google afhangende van jou tipe toestel. Hulle maak gebruik van verskeie betaal metodes insluitend Vodacom, Telkom en koopbewyse. KOER kan ongelukkig nie direkte oordragte (EFTs) aanvaar nie.

Hoe weet ek my KOERLISENSIE is aktief?

Jy sal onder op jou profiel blad 'n boodskap sien wat lees 'KOERLISENSIE Aktief'. Jy kan ook na jou toepwinkel (App Store of Google Play) gaan om te sien watter subskripsies aktief is en wanneer hulle hernu. Volg die skakels hieronder vir meer inligting.
Apple (iPhone)
Google (Android)

Hoe kanselleer ek my KOERLISENSIE?

Jy kan enige tyd jou KOERLISENSIE kanselleer en steeds die voordele gebruik vir die tydperk waarvoor jy betaal het. Let asseblief dat indien jy die KOER toep van jou toestel verwyder, of selfs jou profiel verwyder, jou subskripsie nogsteeds aktief sal bly. Om jou subskripsie te kanselleer gaan na jou profiel blad, druk op die instellings (die rat-ikoon) en kies dan die 'MY KOERLISENSIE' opsie. Dit sal jou neem na jou toepwinkel waar jy jou subskripsie kan sien, verander, asook kanselleer. Indien jy nie die KOER toep meer het nie volg die skakels vir instruksies.
Apple (iPhone)
Google (Android)

Hoe doen ek aansoek vir 'n terugbetaling?

Indien jy perongeluk opgeteken het of ontevrede is met die diens kan jy aansoek doen vir 'n terugbetaling. Volg die instruksies vir meer inligting.
Apple (iPhone)
Google (Android)

DIE KOERWOUD

Wat is 'n aksie?

Gratis lede kry 20 aksies per dag. (Koerlisensiehouers het onbeperkte aksies). 'n KOER, KOES of BRIEFIE OOPMAAK tel as 'n aksie. Klets is NIE 'n AKSIE NIE. As jy en 'n pasmaat geKOER het kan julle onbeperk klets in die Kletskamer.

Wat is 'n KOER?

'n KOER is 'n JA. Wanneer jy n die KOERWOUD op iemand se profiel afkom en jy stel belang om met daardie persoon te gesels. Druk KOER.

Wat is 'n KOES?

'n KOES is 'n HOU VERBY. Wanneer jy in die KOERWOUD op iemand se profiel afkom en nie belangstel nie, druk KOES. As jy 'n briefie in jou posbus ontvang en nie in die persoon belangstel nie, druk KOES. ALLE KOES AKSIES IS ANONIEM.

Wat is 'n briefie?

As jy iemand in die KOERWOUD raakblaai en KOER druk. Pop daar 'n skerm op wat vir jou die kans bied om daardie persoon se belangstelling te prikkel met 'n sin of twee. As jy dan STUUR druk gaan lê daardie briefie in die persoon se posbus. Wanneer die persoon die briefie oopmaak en lees kan hy KOER of KOES.

Hoe sien ek meer van iemand se profiel in die Koerwoud?

Wanneer jy op iemand se profiel afkom in die Koerwoud kan jy eenvoudig af-blaai na onder om meer van die persoon te lees. Indien 'n profiel meer as een foto het kan jy eenvoudig links en regs veeg op sy/haar hoof-foto.

Ek kry 'n boodskap wat lees "daar is tans geen nuwe lede naby jou nie", wat nou?

Jy is deur jou KOERWOUD profiel opsies (volgens jou keuses en instellings) vir die oomblik. Vertel jou afstand/voorkeure om jou KOERWOUD opsies te vergroot of kom later terug om te sien wie nog intussen aangesluit het.

DIE POSBUS

Daar is twee kleur briefies in my posbus. Wat beteken dit?

Om verleentheid te spaar verval briefies binne 48 uur. Pienk briefies is nuut en Blou briefies gaan amper verval.

Wat gebeur as ek 'n briefie oopmaak?

Wanneer jy op 'n briefie klik, maak hy oop en sien jy die boodskap wat die persoon (wie jou geKOER het) vir jou gestuur het. Jy kan ook op die persoon se foto druk om die persoon se hele profiel te sien. Indien die persoon jou gekoer het en geen boodskap gelos het nie sal daar net 'n handjie wat wuif wees.

Wat gebeur as ek 'n briefie KOER?

As jy 'n briefie oopgemaak en gelees het en belangstel in die persoon kan jy KOER druk. Jul gesprek sal dan na die KLETSKAMER oorskuif en julle kan na hartelus verder gesels.

Wat gebeur as ek 'n briefie KOES?

As jy nie belangstel in die persoon nie kan jy slegs KOES druk. Alle koes aksies is anoniem.

KLETSKAMER

Daar is 'n handjie wat vir my wuif, wat beteken dit?

As iemand vir jou 'n KOER stuur en nie 'n boodskap saamgestuur het nie, verskyn daar 'n handjie wat vir jou wuif.

Kan ek foto's stuur?

Vir jou eie veiligheid het KOER die foto-stuur opsie gelos

Wat is 'n GIF? (klink soos "Ghief")

Raak kreatief en sê wat jy meen sonder woorde. Deur die GIFs te gebruik kan jy vir iemand lekker bewegende fotos en scenarios stuur.

Hoe blok/rapporteer ek iemand?

Maak die klets van die persoon wie jy wil blok oop. Regs bo in die hoek, klik op die hartjie en besluit of jy wil rapporteer of blok. Gerappoteerde profiele word deur die Koerspan ondersoek. LET WEL: As jy "blok" kies sal jy en die persoon mekaar nooit weer kan kontak nie.